Финансиско друштво ФИНМАК ДОО е современа компанија која применува иновативна и модерна технологија, посветена на корисниците. Нудиме брзи и лесни решенија за микрокредитирање на физички лица кои се достапни секому.

Нашиот тим се состои од професионалци од областа на финансии, грижа за корисници и ИТ. Поради брз раст на компанијата и ширење на мрежата подружници, повикуваме амбициозни лица да аплицираат на позицијата:

Менаџер на Оддел за електронско кредитирање

Вистинскиот кандидат за оваа позиција е проактивен, флексибилен и ориентиран кон резултати, со цел градење на успешна компанија, притоа имајќи позитивен став во обезбедување на исклучителни услуги кон нашите корисници.

Оперативни функции и задолженија:

· Ги поставува целите на Одделот за електронско кредитирање во согласност со целите на Секторот за грижа на корисници и компанијата. Подготвува стратегија и иницијативи за спроведување на истите;

· Го планира бројот на вработените во Одделот и идентификува потреба од промена на бројот на вработени согласно бизнис планот;

· Следи извештаи за перформансот на Одделот за електронско кредитирање на дневна, неделна и месечна основа;

· Иницира и е вклучен во изработка на процеси и процедури поврани со работата на Одделот за електронско кредитирање и Одделот за плаќања и иницира промени по потреба.

Општи услови и задолженија:

· Ги поставува ОКРс за Одделот за електронско кредитирање во согласност со ОКРс на Секторот за грижа на корисници и компанијата. Подготвува стратегија и иницијативи за спроведување на истите;

· Иницира и пријавува нови проекти или предлози за системски подобрувања;

· Спроведува оперативни обуки за вработените во Одделот за електронско кредитирање;

·    Ги мотивира вработените во Одделите и ја евалуира нивната работа;

·  Креира и гради целно ориентиран и конзистентен имиџ на брендот на компанијата;

·  Врши други должности и задачи на барање на Директор на Сектор за грижа на корисници, Генерален/Оперативен директор или повисок надреден, кои се во согласност со регулативите и процедурите на компанијата;

·   Подготовка на извештаи и известување до повисок менаџмент.

 Услови од компанијата:

• Дел од менаџмент тимот;
• Современа и најнова технологија;
• Атрактивен пакет на бонуси;
• Дополнително колективно осигурување;
• Можност за напредување;
• Динамични работни услови во брзорастечка финтек компанија;

Предуслови кои треба да ги исполни кандидатот:

• Завршено високо образование;
• Минимум 3 години искуство во раководење на тимови, од кои минимум 1 година искуство во банка или финансиска институција;
• Активно познавање на англиски јазик и високо ниво на познавање на ексел;
• Способност за управување со проекти и процеси, изразени комуникациски способности, способност за координација со останатите организациони делови во Друштвото, способност за развивање и прифаќање на нови процеси во Друштвото, аналитички и презентерски способност;
• Тренинг по бизнис анализа или проектен менаџмент ќе се смета за предност.

Доколку сметате дека сте вистински кандидат, Ве молиме испратете Ваша биографија полето Аплицирај.

Изборот ќе се изврши согласно условите и роковите во Законот за работните односи. ФИНМАК ДОО го задржува правото да не избере ниту еден кандидат.

Со аплицирање, кандидатот изјавува дека е согласен неговите лични податоци наведени во прикачените документи да бидат собрани и обработувани од ФИНМАК ДОО, во согласност со Законот за заштита на лични податоци. Кандидатот изјавува дека е запознаен дека неговите лични податоци се собираат и обработуваат со цел избор на кандидат за позицијата за која аплицира, како и за контакт во случај на отворање на нови позиции кои одговараат на профилот на кандидатот, и се чуваат во времетраење од 1 година. Кандидатот има право во секое време да ја повлече дадената согласност за чување и обработка на неговите лични податоци.